சுவரொட்டி

 "தாகமா இருக்கு.. தண்ணி கிடைக்குமா"-

இரவு ஒன்பது மணிக்கு யார் வீட்டிலோ தயக்கத்துடன் கதவை தட்டினார்,

சுவரொட்டி ஒட்டிக் கொண்டிருந்த கட்சித் தொண்டர்-

"நாளை தலைவர் போராட்டம்..

காலை 6 மணி முதல் சுவரொட்டி ஒட்டுகிறோம்..

இன்னும் முடிந்த பாடில்லை..."

ஒட்டிய சுவரொட்டியில் தலைவர் சிரித்தார் - 

"8 மணி நேர வேலையைக் கட்டாயமாக்குவோம்..

உரிமை காப்பு உண்ணாவிரதப் போராட்டம்"